મોંઘી ડોશી

ક્યાં સુધી ફોલોઅર્સ બનીને રહેશો?

    કોઈ પણ કલા હોય વ્યક્તિ જ્યારે શીખે છે ત્યારે એ કોઈકને કોઈકને ફૉલો કરી એના જેવા બનવા માટે એ વ્યક્તિના હાવભાવ, અવાજ, ગાયકી , નૃત્ય કે એ વ્યક્તિની સ્કેચિંગની પદ્ધતિ તેમજ બ્રશ, નાઇફ વગેરેના સ્ટ્રોક એ વ્યક્તિ જેવા જ લાવવા મથે છે, લેખનકળામાં પણ જે તે વ્યક્તિથી પ્રભાવિત થઈને એમના જેવું લખવાના સતત પ્રયત્નો કરીને એ વ્યક્તિ જેવી નામના મેળવવા પ્રયાસો કરતા રહે છે પરંતું શું એ વ્યક્તિ જે વ્યકિતનું અનુકરણ કરે છે એ વ્યકિતએ પ્રાપ્ય કરેલી ઊંચાઈ પ્રાપ્ત કરી શકે છે ખરી? તો લગભગ આ પ્રશ્નનો જવાબ ના જ મળે. જો વ્યક્તિ કાયમ કોઈની નકલ જ કરવામાં વ્યસ્ત રહે, એમાં જ પોતાની એનર્જી ખર્ચ્યા કરે તો એ વ્યક્તિમાં રહેલી વિશેષતા કેવી રીતે બહાર આવી શકે? 

     શરૂઆતમાં વ્યક્તિ શીખી રહી છે ત્યાં સુધી કોઈના વર્ક, અવાજ, ગાયકી, નૃત્ય કે લેખનકળા વગેરેની નકલ ઉપકારક બને છે પરંતું જો વ્યક્તિ જે તે કલાકારની આભામાંથી બહાર જ ન આવે, પોતે જે પણ શીખી છે એ ભૂલીને કે છોડીને નવું પ્રગટાવવા પ્રયત્નો ન કરે તો એ વ્યક્તિ ક્યારેય પણ પોતાની આગવી છાપ ઊભી નહીં કરી શકે ને કદાચ એક લેવલથી વધું આગળ પણ નહીં વધી શકે. 

    કોઈના પડછાયામાં ચાલવાથી ભલે ટાઢ, તડકો કે વરસાદથી રક્ષણ મળે, ઓછો સંઘર્ષ કરવો પડે પણ એનાથી મુકત ગગનમાં ઉડવાની હામ મળે ખરી? કોઈના ફોલોઅર્સ બનીને આખી જિંદગી વિતાવી દેવી એના કરતાં પોતાની ભીતર પડેલી વિશેષતાને ખોળી કાઢીને એને ધાર કાઢતા રહીએ તો કેવું?

(વનમાળી ઠાકોર )

click for Download Sanskrit ebook