મોંઘી ડોશી

સુખદુઃખ મનમાં ન આણીએ ઘટ સાથે રે ઘડિયાં 

ટાળ્યા તો કોઈના નવ ટળે, રઘુનાથના જડિયા

- નરસિંહ મહેતા 

     આપણી સાથે ઘટતી કે આપણી આસપાસના વાતાવરણમાં ઉદભવતી પ્રત્યેક ઘટનાઓ સારી છે કે ખરાબ એનું લેબલ આપણે લગાવતા રહીએ છીએ. પરંતું આજે જે ઘટના આપણને દુઃખદાયક લાગે છે તેમાંથી જ નીપજતી અમૂક ઘટના, આપણાં નિર્ણયો જ આપણને જ્યારે એક મુકામ પર પહોચાડે છે ત્યારે એ અણગમતી, પીડાદાયક ઘટના જો ન ઘટી હોત તો આપણે જે તે મુકામ પર ન પહોંચી શકત એ પણ સમજાય છે. તેવી જ રીતે આજે સુખદ લાગતી બાબતો આવતીકાલના દુઃખનું કારણ પણ બની શકે છે. આમ કોઈ ઘટના સુખદાયક છે કે પીડાદાયક છે એ આપણું એની સાથે કેટલું અટેચમેન્ટ છે એના પર નિર્ભર છે.

    ઉપર જણાવેલી બાબત ઉદાહરણ સાથે જણાવું તો મોરબી પૂલ હોનારત, રાજકોટ અગ્નિકાંડ કે અમૂક ગામ , સોસાયટી, કંપની વગેરે સ્થળે થતો ઝઘડો કે એવી બીજી અન્ય પીડાદાયક ઘટનાઓ સાથે જો આપણું સીધું જોડાણ હોય એટલે કે આપણે કે આપણી નજીકની કોઈ વ્યક્તિ એમાં મૃત્યું પામી હોય કે ઘાયલ થઈ હોય અથવા એમને અન્ય તકલીફોનો સામનો કરવો પડયો હોય તો એ ઘટના ઘણા સમય સુધી આપણને પીડા આપતી રહે છે પરંતું એની સાથે જો આપણું સીધું જોડાણ નથી તો એ ઘટનાની પીડામાંથી બહું ઝડપથી આપણે બહાર આવીને આપણાં કામકાજમાં પરોવાઈ શકીશું. 

     આમ આપણી સાથે કે આપણી આસપાસ ઘટની પ્રત્યેક ઘટનાઓ પાછડ કાર્યકારણનો સંબંધ રહેલો છે એટલે કોઈ પણ પીડા આપણાંમાં કાયમી વસવાટ ન કરીલે એનું ધ્યાન રાખવાની જવાબદારી આપણી જ છે તેવી જ રીતે કોઈ સુખને કાયમી બાંધી રાખવાના મોહથી પણ જો આપણે બચી શકીએ તો સુખ અને દુઃખના હાથની કઠપૂતળી બનતા બચી શકીશું. શાશ્વત આનંદ તરફ઼ પ્રયાણ કરી શકીશું.

(વનમાળી ઠાકોર)

click for Download Sanskrit ebook